Einn er í haldi lögreglunnar vegna mannsláts í Reykjavík um miðnætti í gærkvöldi. Maðurinn sem lést var á fertugsaldri. 

Lögreglan á höfuðborgarsvæðinu var kölluð að húsi í Austurborginni um miðnætti í gærkvöldi  en þar var tilkynnt um slasaðan karlmann utan við húsið. Endurlífgunartilraunir hófust strax á vettvangi og í kjölfarið var maðurinn fluttur á Landspítalann en var úrskurðaður látinn skömmu eftir komuna þangað. Maðurinn var á fertugsaldri.

Rannsókn málsins er á frumstigi en einn er í haldi í þágu hennar að því er segir í tilkynningu frá lögreglunni á höfuðborgarsvæðinu. 

Uppfært:

Sá látni er af erlendu bergi brotinn, en atvikið átti sér stað í heimahúsi í Rauðagerði. 

Tengdar fréttir

Manndráp í Rauðagerði

„Skylda“ saksóknara að tala fyrir vægari dómi

• Landsrétt skorti lagastoð til refsihækkunar
• Dómar mildaðir í Rauðagerðismálinu
• Veltir upp hvort milda eigi dóminn
• Rauðagerðismálið fer fyrir Hæstarétt

» Fleiri tengdar fréttir

• Blogga um frétt