Íslendingum sem ekki framvísa vottorði um neikvæða niðurstöðu úr PCR-prófi vegna Covid-19 við komuna til landsins verður ekki meinaður aðgangur inn í landið en þeir geta átt von á sekt hafi þeir ekki niðurstöður meðferðis. Þetta kemur fram í tilkynningu Icelandair til farþega. 

Frétt af mbl.is

Hvað verður gert við próflausa Íslendinga?

„Frá og með 19. febrúar 2021 þurfa allir farþegar sem koma til landsins að framvísa nýlegu vottorði um neikvæða niðurstöðu úr PCR-prófi fyrir brottför, sem eru ekki meira en 72 klst. gamlar. Einnig verða tekin gild ákveðin vottorð sem sýna fram á að farþegi hafi náð sér af Covid-19. Íslendingum verður ekki meinaður aðgangur inn í landið, en geta átt von á sekt hafi þeir ekki niðurstöður meðferðis. Börn fædd 2005 eða síðar þurfa ekki að sýna fram á neikvæðar niðurstöður sem og tengifarþegar sem fara ekki út af flugvellinum fyrir næsta flug,“ segir í tilkynningunni. 

Frétt af mbl.is

Féllst á tillögur Þórólfs

Í gær samþykkti Svandís Svavars­dótt­ir heil­brigðisráðherra til­lög­ur Þórólfs Guðna­son­ar sótt­varna­lækn­is um aðgerðir á landa­mær­un­um. Þær fel­ast m.a. í því að fólk þarf að fram­vísa nei­kvæðu PCR-prófi við kom­una til lands­ins, auk þess að fara í tvö­falda skimun með fimm daga sótt­kví á milli. 

„Athugaðu að ef þú ert ekki í beinu flugi til Íslands, þá gætir þú mjög líklega þurft að sýna fram á að hafa farið í Covid-19-próf fyrir brottför í landinu sem þú tengir í gegnum, þó svo að þú farir ekki út af flugvellinum,“ segir jafnframt í tilkynningu Icelandair.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt