Þrír af þeim fjórum sem handteknir voru í gær í þágu rannsóknar lögreglu á manndrápi í Rauðagerði um liðna helgi voru í kvöld úrskurðaðir í vikulangt gæsluvarðhald að kröfu lögreglunnar á höfuðborgarsvæðinu.

Áður höfðu fjórir verið úrskurðaðir í gæsluvarðhald vegna málsins. Allir sem eru í haldi lögreglu eru á fertugsaldri fyrir utan einn, sem er á fimmtugsaldri. Þetta kemur fram í tilkynningu frá lögreglunni. 

Frétt af mbl.is

Rannsaka hvort fleiri aðilar tengist málinu

Einn af þeim átta sem hafa verið handteknir er Íslendingur, en hann er sagður hafa verið umsvifamikill í fíkniefnaheimum á Íslandi um árabil. Hann hefur lýst yfir sakleysi sínu í málinu og kært gæsluvarðhaldsúrskurð til Landsréttar.

Hinir sjö eru erlendir ríkisborgarar, flestir þó með búsetu hér á landi samkvæmt upplýsingum frá lögreglunni. 

Eins og fram hefur komið snýst einn angi rannsóknarinnar að því hvort að málið tengist erlendum glæpasamtökum. Lögreglan hefur notið liðsinnið Europol í formi upplýsingaöflunar. Margeir Sveinsson yfirlögregluþjónn sagði almenning ekki vera í hættu í samtali við mbl.is fyrr í dag.

„Ef lög­regl­an hefði vitn­eskju um það að al­menn­ing­ur væri í hættu þá mynd­um við bregðast við með viðeig­andi ráðstöf­un­um en við telj­um svo ekki vera í þessu til­viki,“ sagði Mar­geir.

Tengdar fréttir

Manndráp í Rauðagerði

„Skylda“ saksóknara að tala fyrir vægari dómi

• Landsrétt skorti lagastoð til refsihækkunar
• Dómar mildaðir í Rauðagerðismálinu
• Veltir upp hvort milda eigi dóminn
• Rauðagerðismálið fer fyrir Hæstarétt

» Fleiri tengdar fréttir

• Blogga um frétt