Lögreglan á Vestfjörðum greip í síðustu viku mann við akstur undir áhrifum fíkniefna. Í ofanálag átti ökumaðurinn að vera í sóttkví. Lögreglan greinir frá þessu á Facebook.

Fólki utan sóttkvíar er ekki heimilt að fara í skoðunarferðir eða keyra „langar vegalengdir“ nema á leið milli heimilis og skimunarstaðar. Í fórum mannsins fundust nokkrar kannabisplöntur. Þrír lögreglumenn þurftu að fara í úrvinnslusóttkví í tvo sólarhringa eftir afskiptin af manninum.

Lögreglan er einnig með til rannsóknar meint brot á vínveitingastað í umdæminu, en við eftirlit lögreglu kom í ljós að sóttvarnareglur voru ekki í heiðri hafðar eins og það er orðað í tilkynningu.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt