Rannsókn lögreglunnar á manndrápinu í Rauðagerði um síðustu helgi miðar ágætlega að sögn yfirlögregluþjóns. Alls hafa átta verið handteknir í þágu rannsóknar málsins, fjórir hafa verið úrskurðaðir í gæsluvarðhald og farið hefur verið fram á gæsluvarðhald yfir hinum fjórum.

Frétt af mbl.is

Þrír til viðbótar í gæsluvarðhald

Lögreglan telur sig vera með skotmanninn í haldi en útilokar ekki að fleiri en einn hafi verið að verki. Maðurinn sem var skotinn til bana fyrir utan heimili sitt í Rauðagerði hét Armando Beqirai. Hann var fæddur í Albaníu árið 1988 og lætur eftir sig ófríska konu og ungt barn.

Einn angi rannsóknarinnar snýr að því hvort málið tengist erlendum skipulögðum glæpasamtökum að einhverju leyti en allir nema einn hinna handteknu eru erlendir ríkisborgarar, flestir búsettir hér á landi.

Lögregla telur möguleikann á því að skotmaðurinn hafi flúið land eftir morðið ekki mikinn. „Við teljum okkur vera með hann. En eins og ég segi þá erum við að skoða þátt hvers og eins aðila í málinu,“ sagði Margeir Sveinsson yfirlögregluþjónn í  umfjöllun um mál þetta í Mprgunblaðinu í dag.

Tengdar fréttir

Manndráp í Rauðagerði

„Skylda“ saksóknara að tala fyrir vægari dómi

• Landsrétt skorti lagastoð til refsihækkunar
• Dómar mildaðir í Rauðagerðismálinu
• Veltir upp hvort milda eigi dóminn
• Rauðagerðismálið fer fyrir Hæstarétt

» Fleiri tengdar fréttir