Tillögur að tilslökunum á næstu dögum
Setja bókamerki
Fljótlega í næstu viku eða nú um helgina mun Þórólfur Guðnason sóttvarnalæknir skila heilbrigðisráðherra tillögum um tilslakanir innanlands vegna kórónuveirufaraldursins.
Þetta kom fram í máli Þórólfs á upplýsingafundi almannavarna. Hann sagði að það yrði að fara hægt í tilslakanir og hann muni ekki leggja til að grímuskylda verði aflögð á næstunni.
Hertar aðgerðir á landamærum taka gildi á morgun en þá þurfa allir sem hingað koma að framvísa neikvæðu kórónuveiruprófi frá brottfararstað og má prófið ekki vera eldra en þriggja sólarhringa.
Auk þess verður áfram skimun á landamærunum og svo önnur eftir fimm daga skimunarsóttkví.
Enginn hefur greinst með Covid-19 innanlands frá 11. febrúar en þá greindust fjórir einstaklingar. Þau smit voru rakin til landamæranna.
Síðast greindist einstaklingur sem ekki var í sóttkví með smit 1. febrúar.
Telur að Alfreð hafi verið í geðrofi
Magn kviku komið yfir neðri mörkin
Ríkið fær stuðning ríflega til baka
Uppbygging íbúða komin í óefni
Á þessu stranda samningar í kjaradeilu kennara
„Tilbúin til að takast á við gos í þessum mánuði“
Erfitt að lesa Morgunblaðið í gær
„Ég tek það hins vegar líka til mín“