„Verra en versta mögulega niðurstaða“
Jóhann Ólafsson
Setja bókamerki
„Samanborið við það sem við lögðum upp með í samningaviðræðunum er þetta verra en versta mögulega niðurstaða,“ segir Guðmundur Úlfar Jónsson, formaður Flugvirkjafélags Íslands, um niðurstöðu gerðardóms í kjaradeilu flugvirkja Landhelgisgæslu Íslands við ríkið.
Úrskurður gerðadóms var birtur á vef Ríkissáttasemjara í dag og segir Guðmundur gerðardóminn hafa komist að þeirri niðurstöðu að kjarasamningur flugvirkja hjá Landhelgisgæslunni til næstu tveggja ára byggi á kröfugerð ríkisins frá því í október.
Verkefni gerðardóms var að skera úr um hvort tenging milli kjarasamninga flugvirkja Landhelgisgæslunnar og flugvirkja Icelandair skyldi vera óbreytt eða hvort henni yrði breytt og þá á hvaða formi nýir kjarasamningar þyrftu að vera.
Gerðardómur hafnaði umræddri tengingu og var því nýr kjarasamningur gerður frá grunni, eins og fram kemur í gerðardómi.
Guðmundur segist allt eins hafa átt von á einherjum „ríkissamning“ en segir ótrúlegt að kjarasamningurinn sé „ríkissamningur sem framkallar kjaraskerðingar“ eins og hann orðar það.
„Það var ekkert hlustað á sjónarmið flugvirkja í þessum dómi.“
Flugvirkjar vildu lengri samning en Guðmundur segir ekkert hafa verið tekið tillit til krafna þeirra.
„Flugvirkjar gæslunnar eru að verða fyrir launatapi með þessum samning sem hleypur á tugum þúsunda,“ segir Guðmundur og skýrir mál sitt:
„Það er vegna hækkunar á reynslutíma í tegundarálögum þrátt fyrir að samningurinn feli í sér kjarahækkanir á grunnkaupi þá ganga þær til baka á öðrum sviðum.“
Hann segir að megnið af sérákvæðum um störf flugvirkja sé numið á brott. „Þetta er verra en við gátum átt von á verst.“
Hægt er að skoða úrskurð gerðardóms hér.
Börnin eiga að ýta við foreldrum sínum
Auka aðgengi að Grindavík
Falskur fyrirvari á auglýsingum Höllu
Ákærður fyrir stunguárás á menningarnótt
Ekki hægt að slá gosið út af borðinu strax
Dæla, kæla og verja mikilvæg mannvirki
Rannsókn á menningarnæturmáli lokið