Lokað er á skíðasvæðið í Bláfjöllum að beiðni almannavarna eftir að hættustigi var lýst yfir vegna öfl­ugu jarðskjálfta­hrin­unn­ar sem enn er í gangi á Reykja­nesskaga.

„Aðgerðarstjórn höfuðborgarsvæðisins (AST) fer fram á að skíðasvæðum á höfuðborgarsvæðinu verði lokað þegar hættustig almannavarna verður virkjað vegna jarðskjálfta,“ segir í tilkynningu á vef skíðasvæða höfuðborgarsvæðisins.

Áður hafði komið þar fram að lokað er í Skálafelli vegna snjóleysis.

Aðgerðarstjórn höfuðborgarsvæðisins vill loka skíðasvæðunum til að draga úr áhættu vegna skjálftahrinunnar og koma í veg fyrir að fólk sé á skíðasvæðunum sem eru nálægt upptökum skjálfta.

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt