Þrjátíu megavatta túrbína virkjunarinnar í Svartsengi datt út tvívegis á meðan og eftir að stór jarðskjálfti varð á Reykjanesi upp úr klukkan tíu í morgun.

Fljótlega eftir tókst þó að koma orkuverinu aftur í gang.

Þetta segir Tómas Már Sigurðsson forstjóri HS Orku í samtali við blaðamann mbl.is.

Tómas Már Sigurðsson, forstjóri HS Orku. mbl.is/Sigurður Bogi

Falskt loft hrundi niður

Orkuverið hafi í kjölfarið verið rýmt og allar skrifstofur HS Orku í Svartsengi sömuleiðis. Falskt loft hrundi niður á skrifstofunum. Nú séu ekki aðrir við störf en þeir menn sem keyra vélarnar.

Aðstæður verði kannaðar síðar í dag og hvort óhætt sé fyrir annað starfsfólk að snúa aftur til vinnu.

Í tilkynningu frá Landsneti segir að raforkukerfið sé nú stöðugt og að fylgst sé vel með framvindunni. Búið sé að skoða tengivirki og línur á svæðinu og það líti út fyrir að engar skemmdir hafi orðið.

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt