Eftir tæpar sjö vikur á spítala er Guðmundur Felix Grétarsson, sem fékk nýverið grædda á sig handleggi í Lyon í Frakklandi, kominn í endurhæfingu. Hann dvelur nú á endurhæfingarmiðstöð í Frakklandi. 

„Ég tók einungis með mér handfarangur,“ skrifar Guðmundur, sem hefur lengi verið þekktur fyrir beittan húmor, á Facebook-síðu sína. 

Guðmundur Felix ásamt starfsfólki spítalans sem hann er einkar ánægður með. Ljósmynd/Guðmundur Felix

„Það er gott að halda áfram en ég mun sakna starfsfólksins sem hefur verið með mér síðustu vikur,“ skrifar Guðmundur.

Guðmundur ber starfsfólki spítalans sem hann dvaldi á góða söguna en með þessari frétt fylgja tvær myndir sem Guðmundur birti af sér og hluta af starfsfólki spítalans. 

Tengdar fréttir

Guðmundur Felix fær nýja handleggi

Skurðurinn gróinn en missti neglurnar

• „Ég er orðinn helvíti þreyttur“
• Kominn heim af sjúkrahúsinu
• Sannfærður um að allt sé eins og það eigi að vera
• Dansa af gleði eftir góðar fréttir

» Fleiri tengdar fréttir

• Blogga um frétt