Enginn vildi hjúkrunarheimilið, sem endar hjá HSU
Setja bókamerki
Heilbrigðisstofnun Suðurlands tekur við rekstri hjúkrunarheimilisins Hraunbúða í Vestmannaeyjum 1. apríl. Þetta kemur fram í tilkynningu frá heilbrigðisráðuneytinu.
Vestmannaeyjabær hefur séð um rekstur hjúkrunarheimilisins undanfarin ár, en bærinn sagði nýverið upp rekstrarsamningi við ríkið. Rekstur heimilisins var í kjölfarið boðinn út, en engin tilboð bárust og verður Heilbrigðisstofnun Suðurlands því falinn reksturinn.
Greint var frá því í gær að Heilbrigðisstofnun Austurlands tæki um mánaðamót við rekstri hjúkrunarheimilanna Hulduhlíðar á Eskifirði og Uppsala á Fáskrúðsfirði en sveitarfélagið Fjarðabyggð, sem áður sá um reksturinn, hafði einnig sagt upp samningi sínum við ríkið.
Auk þessara tveggja hafa sveitarfélögin Akureyrarbær og Höfn nýverið sagt upp samningi sínum um rekstur hjúkrunarheimila.
Umræður um rekstur hjúkrunarheimilanna og fjármögnun þeirra rötuðu nýlega í umræður á þingi, en þar tókust þau Logi Einarsson, formaður Samfylkingarinnar, og Svandís Svavarsdóttir heilbrigðisráðherra á um málið og sakaði Logi ríkisstjórnina um „skortstefnu“ þegar kæmi að hjúkrunarheimilum. Sveitarfélög hafi enda þurft að borga með rekstri hjúkrunarheimila.
/frimg/1/54/44/1544474.jpg)
Áslaug býður sig fram í formannssætið
Afleit aðstaða varðar þjóðaröryggi
Kennarar hafi lagt fram sömu tillögu í breyttri mynd
Mikilvægt að byggja brýr
Birtumagn í íbúðir hverfur nánast
Jóvin veldur usla: Mesti vindhraði í sögu landsins
„Við viljum ekki missa unga fólkið okkar þangað“