Deilt á pírata fyrir trúnaðarbrest
Setja bókamerki
Nefndarmenn í stjórnskipunar- og eftirlitsnefnd Alþingis eru sumir mjög óánægðir með fjölmiðlaviðtöl, sem píratarnir Jón Þór Ólafsson, formaður nefndarinnar, og Andrés Ingi Jónsson veittu eftir nefndarfund í fyrradag og telja til marks um trúnaðarbrest.
Viðtölin voru tekin eftir nefndarfund með lögreglustjóranum á höfuðborgarsvæðinu vegna símtala hans og dómsmálaráðherra á aðfangadag. Óli Björn Kárason, þingmaður Sjálfstæðisflokks, segir að þeir félagar hafi hallað réttu máli um það, sem þar fór fram, og bæði notfært sér trúnað um fundina og rofið hann í trausti þess að það gerðu aðrir nefndarmenn ekki.
Hann segir ábyrgð formannsins mikla. „Jón Þór Ólafsson hefur brugðist skyldum sínum sem nefndarformaður með dylgjum og rangfærslum um það sem fram hefur komið á fundum nefndarinnar.“
Óli Björn telur píratana tvo ekki hafa sést fyrir í „óstjórnlegri löngun til að koma höggi á pólitískan andstæðing“.
Áfram óvissustig vegna skriðuhættu
Spá illviðri víða um land á morgun
Minni tafir en í sambærilegum borgum
Fjögur ungbörn á spítala með RS-veirusýkingu
Hjúkrunarfræðingar skrifa undir kjarasamning
„Það var bara allt í kássu“
Nóvemberhitametið fallið?