Alls hafa 22 skjálftar mælst stærri en 3 í dag í eða við Fagradalsfjall og þar af hafa níu þeirra mælst frá klukkan 18:43 í kvöld. Tæplega þúsund skjálftar hafa mælst frá miðnætti.

Mesta virknin eftir miðnætti er bundin við Fagradalsfjall. Enginn órói hefur mælst, en skjálftavirkni er áfram mikil, segir í athugasemd jarðvísindamanns á vef Veðurstofunnar.

Stærsti skjálfti dagsins mældist 3,6 í Fagradalsfjalli klukkan rúmlega fjögur í nótt. Skjálftarnir í kvöld hafa verið frá 3 og upp í 3,5 að stærð.

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt