Munu fara yfir símtalið

Sigríður Björk Guðjónsdóttir ríkislögreglustjóri segir að símtal úr fjarskiptamiðstöð lögreglu þar sem lögregluþjónn spyr um ríkisfang sé til skoðunar. 

Mbl.is greindi frá því í gær að ung kona hefði hringt eftir aðstoð vegna þess sem hún taldi vera heimilisofbeldi, og spurði lögregluþjónn í fjárskiptamiðstöð ríkislögreglustjóra hana þá hvort fólkið væri Íslendingar eða útlendingar. Gat hann ekki gefið konunni skýringar á spurningunni, en hringdi þó síðar til að segjast hafa viljað betri lýsingu á fólkinu. 

Frétt af mbl.is

„Eru þetta Íslendingar eða útlendingar?“

Sigríður Björk segir málið í skoðun og að afla þurfi skýringa hjá viðkomandi starfsmanni. 

„Það er allt tekið upp þannig að það sem við munum gera núna er að hlusta á símtalið og taka samtal við viðkomandi, hvað hann var að meina,“ segir Sigríður í samtali við mbl.is. 

Spurð um framhaldið sagðist Sigríður fyrst vilja kynna sér málið áður en ákvörðun væri tekin. 

• Blogga um frétt