Lúðvík áfrýjar meiðyrðamáli til Landsréttar

Lögmaðurinn Lúðvík Bergvinsson hefur áfrýjað til Landsréttar dómi Héraðsdóms Reykjavíkur í meiðyrðamáli sem hann höfðaði gegn Trausta Hafliðasyni, ritstjóra Viðskiptablaðsins, og Myllusetri, útgefanda Viðskiptablaðsins. Höfðaði hann málið vegna ummæla í nafnlausa skoðunarpistlinum Óðni í blaðinu í apríl í fyrra.

Um þrenn um­mæli var að ræða, en í pistl­in­um var fjallað um störf Lúðvíks sem óháður kunn­áttumaður fyr­ir Sam­keppnis­eft­ir­litið vegna sátt­ar sem N1 og Festi gerðu við eft­ir­litið þegar fé­lög­in sam­einuðust. Var kostnaður af störf­um Lúðvíks þar um­fjöll­un­ar­efni, en hann hafði fengið um 33 millj­ón­ir fyr­ir störf sín og einnig var þar fjallað um tengsl hans við aðstoðarfor­stjóra eft­ir­lits­ins.

Frétt af mbl.is

Viðskiptablaðið hafði betur í meiðyrðamáli Lúðvíks

Um­mæl­in þrenn eru eft­ir­far­andi:

A: „Við blas­ir að efa­semd­irn­ar um Lúðvík voru ekki minni, sér­stak­lega vegna vinátt­unn­ar við aðstoðarfor­stjór­ann. Því jafn­vel þó svo hann hafi þar hvergi komið nærri að nokkru leyti, þá leit það ekki þannig út og burt­skýr­ing­in kom ekki fyrr en eft­ir að efa­semd­irn­ar höfðu komið fram á op­in­ber­um vett­vangi. Sem sagt um sein­an. Fyr­ir þá vini báða, Lúðvík og Ásgeir, Sam­keppnis­eft­ir­litið og góða stjórn­sýslu.“

B: „Þess­ar frétt­ir af Sam­keppnis­eft­ir­lit­inu og óheyri­leg­um kostnaði við eft­ir­lit með samruna eru án efa til­efni í einn safa­rík­an Kveiks-þátt. Óðinn hlakk­ar raun­ar til að sjá Helga Selj­an rann­saka þessa hliðstæðu. Hann get­ur varla látið svona tæki­færi fram hjá sér fara. Þeim virðist svipa sam­an hjört­un­um, í Namib­íu og Borg­ar­túni.“

C: „Öll skyn­sem­is- og rétt­læt­is­rök virðast hníga að því að Festi kæri kunn­áttu­mann­inn fyr­ir til­hæfu­lausa reikn­inga.“

Héraðsdómur sagði ekki sýnt fram á að ummæli í B-lið beindust gegn Lúðvík og varðandi hin ummælin féllst dómurinn ekki á að þau fælu í sér gildisdóma, heldur væru sett fram sem skoðun og huglægt mat. Þá væri umfjöllunin tengd málefni sem varðaði almenning, þ.e. starfsemi eftirlitsstofnana og kostnað við eftirlit og framkvæmd þess.

• Blogga um frétt