Skólastjórar vilja aflýsa samræmdu

Skólastjórar í Kópavogi telja ákvörðun um að slá samræmdum pófum á frest, vegna tæknilegra örðuleika sem upp komu við fyrirlögn þeirra á mánudaginn, óviðunandi inngrip í skipulag skólastarfs og að hún sýni lítilsvirðingu gagnvart því sem þar er verið að vinna.

Frétt af mbl.is

„Ég er ekki sátt við þetta“

Þetta kemur fram í ályktun fundar skólastjóra í Kópavogi sem haldinn var í gær.

Þá leggja skólastjórarnir til að frekari próftöku þetta skólaárið verði aflýst meðan ekki er búið að vinna viðunandi prófakerfi sem ræður til álagið og fyrirlögn af þessu tagi. 

Eins og greint var frá fyrr í vikunni voru sam­ræmd­um könn­un­ar­próf­um fyr­ir 9. bekk­inga sem fyr­ir­huguð voru í vik­unni, í stærðfræði og ensku, frestað. Boðið verður upp á að end­ur­taka ís­lensku­prófið sem fram fór á mánudaginn í skugga tækniörðuleika.

Frétt af mbl.is

Vandræði með samræmdu prófin

Frétt af mbl.is

Prófum frestað og prófið endurtekið

Salvör Nordal umboðsmaður barna gagnrýndi fyrirlögn prófanna og sagði algjörlega óviðunandi að ítrekað séu lögð fyrir sam­ræmd próf í prófa­kerfi sem af skipu­leggj­end­um er metið „al­gjör­lega ófull­nægj­andi“ eins og reynsl­an hef­ur sýnt. Fundur skólastjóranna tók undir gagnrýni hennar.

Frétt af mbl.is

„Algjörlega óviðunandi“

Vilja endurskoða tilvist prófanna

„Fundurinn telur jafnframt tímabært að fyrirlögn samræmdra prófa í núverandi mynd sé tekin til gagngerrar endurskoðunar. Þau eru barn síns tíma og eiga í þessari mynd ekkert erindi inn í skólastarf undir hugmyndafræði skóla án aðgreiningar,“ segir í ályktun fundarins.  

• Blogga um frétt