Jón Steinar sendir þingmönnum tóninn

Jón Steinar Gunnlaugsson hæstaréttarlögmaður segir misskilning eða útúrsnúning á skoðunum sínum ráða viðbrögðunum við því að dómsmálaráðherra hafi falið honum að skoða úrbætur í meðferð sakamála, í aðsendri grein sem birtist í Fréttablaðinu í dag. 

Frétt af mbl.is

„Blaut tuska framan í þolendur kynferðisofbeldis“

„Þett­a kveikt­i und­ar­leg við­brögð hjá fólk­i sem seg­ir mig vera sér­stak­an and­stæð­ing þol­end­a kyn­ferð­is­brot­a og vörsl­u­mann hags­mun­a brot­a­mann­a á þess­u svið­i afbrot­a. Verk­efn­i mitt varð­að­i svo sem ekk­ert sér­stak­leg­a þenn­an flokk afbrot­a en af­stað­an gegn mér gerð­i það,“ skrifar Jón.

Býður Rósu Björk og Þórhildi Sunnu á opinn fund 

Í greininni stingur Jón Steinar upp á því að Þórhildur Sunna Ævarsdóttir, þingmaður Pírata, og Rósa Björk Brynjólfsdóttir, þingmaður Samfylkingarinnar, sitji opinn fund þar sem rætt verður um ummæli þeirra í garð Jóns Steinars. 

Af skrifunum má ráða að Jón óski eftir fundarhöldunum í glettni en pistilinn endar hann á þessum nótum:

„Ég sendi þessa orðsendingu til Fréttablaðsins, sem sérstaklega hefur tekið þetta mál upp á arma sína. Kæmi til dæmis til greina að Aðalheiður Ámundardóttir lögfræðingur, blaðamaður á Fréttablaðinu, yrði fundarstjóri, en ég hef hana grunaða um að hafa samúð með gagnrýnendum mínum,“ skrifar Jón. 

Þórhildur Sunna spyr hvort kynferðisbrot séu undir

Þórhildur Sunna Ævarsdóttir, þingmaður Pírata, spyr í facebook-færslu sem hún birti í morgun, hvort kynferðisbrot „séu undir“ í vinnu Jóns Steinars Gunnlaugssonar og fullyrðir að dómsmálaráðherra segi svo ekki vera.

Dómsmálaráðherra áréttaði í samtali við mbl.is á þriðjudag að störf Jóns Steinars feli ekki í sér sérstaka úttekt á rannsóknum kynferðisbrota en Jón Steinar var fenginn til þess að vinna að styttingu málsmeðferðartíma í réttarkerfinu.

Frétt af mbl.is

Vill bæta upplifun allra af kerfinu

• Blogga um frétt