Þórólfur Guðnason sóttvarnalæknir telur ekki tilefni til að leggja til harðari aðgerðir vegna kórónuveirufaraldursins en nú eru í gildi.

Þetta kom fram í máli Þórólfs á upplýsingafundi almannavarna.

Ný reglugerð vegna faraldursins tekur gildi 18. mars og er sóttvarnalæknir með þá reglugerð í smíðum. Hann segir að hún muni endurspegla tölurnar næstu daga en einn greindist innanlands í gær og var viðkomandi í sóttkví.

Alls hafa fimm greinst innanlands og sagði Þórólfur öll smitin tengjast landamærasmiti frá síðustu helgi.

Þórólfur sagði enn fremur að hann myndi ekki leggja til neinar tilslakanir á næstunni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt