Víða ekkert ferðaveður

Vetrarfærð er í flestum landshlutum og víða ekkert ferðaveður. Hvassviðri er um allt vestanvert landið og víða skafrenningur og blint. Búið er að opna veginn um Kjalarnes. Veðurstofan er með gular veðurviðvaranir í gildi fyrir vestan- og norðvestanvert landið. 

Frétt af mbl.is

Búið að opna veginn um Kjalarnes

Vegurinn um Holtavörðuheiði er lokaður vegna veðurs og beðið er með mokstur. Víðast hvar snjóþekja eða hálka og einhver skafrenningur á Vestfjörðum. Vegurinn um Þröskulda er lokaður vegna veðurs. Vegurinn um Klettsháls er ófær vegna veðurs. Vegurinn um Dynjandisheiði er lokaður vegna veðurs. Búið er að setja veginn um Súðavíkurhlíð á óvissustig vegna snjóflóðahættu. Vegurinn um Steingrímsfjarðarheiði er ófær vegna veðurs.

Á Norðurlandi er víðast hvar ófært og stórhríð. Siglufjarðarvegur er lokaður vegna snjóflóðahættu. Ólafsfjarðarmúli er lokaður vegna snjóflóðahættu. Hættustig er í gildi. Vegurinn um Víkurskarð er lokaður vegna veðurs.

Á Norðurlandi er víðast hvar ófært og stórhríð og beðið með mokstur víðast hvar vegna veðurs. Unnið er að mokstri milli Siglufjarðar og Ólafsfjarðar, á Vatnsskarði og á Öxnadalsheiði. 

Á Norðausturlandi er víðast hvar þæfingur eða snjóþekja. Þungfært er á Mývatns- og Möðrudalsöræfum og um Dettifossveg. Vegurinn um Hólasand er ófær vegna veðurs, Fljótsheiði ófær vegna veðurs. Þæfingur og éljagangur er á Fjarðarheiði en mokstur stendur yfir. Hreindýrahjarðir eru víða við veg á Austurlandi og hafa m.a. sést á Fagradal, við álverið á Reyðarfirði, í Álftafirði og Lóni. Hreindýrahjörð hefur m.a. sést á Breiðamerkursandi og eru vegfarendur beðnir að sýna aðgát á þessum svæðum.

Búið er að setja á aukaferð með ferjunni Baldri í dag, fimmtudag. Brottför verður kl. 9:00 frá Stykkishólmi og kl. 12:00 frá Brjánslæk. Ekki verður stoppað í Flatey í þessari aukaferð.

• Blogga um frétt