„Við erum að horfa á það að okkar tímaáætlanir gætu hliðrast aftur um fjórar vikur en AstraZeneca er stór liður í okkar bóluefnisöflun,“ segir Katrín Jakobsdóttir forsætisráðherra við mbl.is um áhrif tíma­bund­inn­ar stöðvun­ar á bólu­setn­ing­um með bólu­efni frá AstraZeneca.

Bólusetningardagatal stjórnvalda hafði áður miðað við að allir sem vildu gætu verið bólusettir gegn Covid-19 fyrir lok annars ársfjórðungs; fyrir júnílok. 

Frétt af mbl.is

„Ekki eins og við séum að hætta að nota þetta“

Katrín segir hins vegar að bóluefni belg­íska lyfja­fyr­ir­tæk­is­ins Jans­sen, sem er í eigu John­son & John­son, sé ekki inni í núverandi áætlunum stjórnvalda en samið hefur verið um 235.000 skammta frá fyrirtækinu.

Bóluefni Janssen fékk markaðsleyfi á Íslandi í gær og beðið er eftir afhendingaráætlun frá fyrirtækinu. Vonir standa til að hægt verði að hefja bólusetningu með efninu í næsta mánuði en ólíkt þeim efnum sem hafa fengið markaðsleyfi hér á landi hingað til þarf einungis eina sprautu; ekki tvær.

„Auðvitað vonar maður að það geti flýtt fyrir á móti, en við viljum líka horfast í augu við það að þarna er komin töf,“ segir Katrín.

Aðspurð segist forsætisráðherra vitanlega hafa orðið fyrir vonbrigðum vegna fregna af bóluefni AstraZeneca. „Þetta er grautfúlt, en svona er þetta og svona er þessi veira.“

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt