Rak á land við Garðskagavita

Hnúfubak, sem hafði verið á floti fyrir utan Garð í vikunni, rak á land skammt frá Garðskagavita í gærkvöldi. Hvalurinn er nokkuð þrútinn og starfsmenn Hafrannsóknastofnunar eru komnir á svæðið og er verið að taka úr honum sýni.

Hnúfubakurinn er orðinn nokkuð þrútinn af lofti eins og sjá má. Ljósmynd/Aðsend

Hvalreki verður nokkuð reglulega á svæðinu en langreyði, sem er mun sjaldgæfari tegund, rak á land við Nesjar á Hvalsnesi í ársbyrjun 2018 svo eitthvað sé nefnt. 

Stofn hnúfubaka hefur verið í sókn við landið á undanförnum árum. Ljósmynd/Aðsend

• Blogga um frétt