Frá því um miðnætti í dag, 13. mars, hafa rúmlega 1.900 jarðskjálftar mælst. Af þeim hafa 19 skjálftar mælst yfir 3,0 að stærð og hafa þeir flestir verið staðsettir við Fagradalsfjall.

Þetta kemur fram á vef Veðurstofu Íslands.

Stærsti skjálftinn, af stærð 4,6, mældist við Fagradalsfjall klukkan 1:34 í nótt og fannst víða, á Reykjanesskaga norður í Borgarnes og austur í Fljótshlíð.

Þá varð skjálfti af stærð 3,4 klukkan fjögur síðdegis í dag, skammt frá Keili. Hann fannst á höfuðborgarsvæðinu og í Borgarnesi.

Alls hafa rúmlega 41.000 skjálftar mælst á Reykjanesskaganum frá því að hrinan hófst 24. febrúar.

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt