Innlent | mbl | 14.3.2021 | 20:38 | Uppfært 15.3.2021 7:15

Sögulegur sigur fyrsta árs nema

Tólf af 17 efstu eru nemendur við Menntaskólann í Reykjavík. mbl.is/Sigurður Bogi

Benedikt Vilji Magnússon, nemandi á fyrsta ári við Menntaskólann í Reykjavík, bar í dag sigur úr býtum í Stærðfræðikeppni framhaldsskólanema. Hann fékk 52 stig af 60 mögulegum. Níu ár eru síðan fyrsta árs nemi vann keppnina.

Úrslitin voru kynnt á verðlaunahófi í Háskólanum í Reykjavík í dag, 14. mars, sem er Pí-dagurinn, alþjóðlegur dagur stærðfræðinnar.

Selma Rebekka Kattoll hafnaði í öðru sæti með 41 stig og Jón Valur Björnsson í þriðja sæti með 40 stig. Bæði eru þau nemendur við Menntaskólann í Reykjavík. Oliver Sanchez úr Menntaskólanum við Hamrahlíð var í fjórða sæti með 35 stig.

Nemendur í 17 efstu sætunum munu taka þátt í Norrænu stærðfræðikeppninni fyrir Íslands hönd þann 16. apríl næstkomandi. Benedikt Vilji, Selma Rebekka og Jón Valur hafa fengið boð um að taka sæti í liði Íslands fyrir Ólympíukeppni í stærðfræði í júlí í sumar.

Keppnin er undirbúin í sjálfboðaliðastarfi nefndar á vegum Stærðfræðafélags Íslands og Félags raungreinakennara. Forkeppnin í október var óvenjuleg þennan veturinn vegna Covid-19 því nemendur tóku þátt í keppni heiman frá sér á netinu í stað þess að mæta til leiks í sínum framhaldsskólum.

Alls tóku 108 nemendur þátt víðs vegar af landinu og komust rúmlega fjörutíu þeirra í úrslit.

1. Benedikt Vilji Magnússon, Menntaskólinn í Reykjavík.

2. Selma Rebekka Kattoll, Menntaskólinn í Reykjavík.

3. Jón Valur Björnsson, Menntaskólinn í Reykjavík.

4. Oliver Sanchez, Menntaskólinn við Hamrahlíð.

5. Arnar Ingason Menntaskólinn í Reykjavík

6.-7. Einar Andri Víðisson, Menntaskólinn í Reykjavík.

6.-7. Viktor Már Guðmundsson, Menntaskólinn í Reykjavík.

8. Flosi Thomas Lyons, Menntaskólinn við Hamrahlíð.

9.-10. Vigdís Selma Sverrisdóttir, Menntaskólinn í Reykjavík.

9.-10. Hilmir Vilberg Arnarsson, Menntaskólinn í Reykjavík.

11. Sigurður Patrik Fjalarsson Hagalín, Menntaskólinn í Reykjavík.