Næsti fundur vísindaráðs almannavarna verður klukkan 13 á morgun og í kvöld er von á nýrri gervihnattarmynd sem sýnir stöðuna á Reykjanesskaga. Óvíst er hvort niðurstaða vegna hennar verður tilbúin í kvöld.

Þetta segir Bjarki Kaldalóns Friis, náttúruvársérfræðingur hjá Veðurstofu Íslands. 

Frétt af mbl.is

Virkni færist nær Nátthaga

Það sem af er degi hafa þrír skjálftar af stærðinni 3 eða meira mælst á Reykjanesskaga. Sá síðasti, 3 að stærð, varð klukkan 11.52 einn kílómetra suðaustur af Fagradagsfjalli.

Hinir tveir skjálftarnir mældust 3,2 að stærð. Sá fyrri varð upp úr klukkan 1 í nótt og sá síðari upp úr klukkan hálfátta í morgun.

Að sögn Bjarka hafa rúmlega 1.100 jarðskjálftar orðið frá miðnætti, sem er svipaður fjöldi og síðustu daga. Virknin er áfram mest suður af Fagradagsfjalli.

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt