Frekari skemmdir hafa komið í ljós á Suðurstrandarvegi, í grennd við Festarfjall. Hafa sprungur myndast við axlir og í fyllingu vegarins, þannig að vegrið hefur ekki alls staðar fullan stuðning.

Frá þessu segir í tilkynningu frá Vegagerðinni.

Bent er á að svæðið hafi verið merkt, akreinar þrengdar, þungatakmarkanir settar og hámarkshraði lækkaður. Unnið sé að lausnum varðandi lagfæringar á þessum skemmdum. 

„Vegurinn hefur einnig sprungið þvert á nokkrum stöðum,“ segir í tilkynningunni. 

Skemmdirnar komu í ljós í gær og í morgun, en á sunnudag varð skjálfti 5,4 að stærð og átti hann upptök sín á nokkurra kílómetra dýpi undir veginum.

Frétt af mbl.is

Skýr merki um stóra skjálftann

Sprungur þvera veginn á nokkrum stöðum. Ljósmynd/Vegagerðin

Þungatakmarkanir og skertur hámarkshraði

Ekki sé að sjá að komið sé sig í veginn sjálfan. Svæðið sem mest sé sprungið þurfi að skoða betur. Þar verði þrengt að umferðinni svo ekki reyni á þá kafla.

„Einnig hefur verið tekin ákvörðun um að setja þungatakmarkanir á veginn og miða við 7 tonna öxulþunga. Vegurinn verður þrengdur þannig að umferðin færist frá ytri brún, færslan verður stærri en sett var upp í gær.“

Hámarkshraði verði áfram 50 km/klst.

„Vegfarendur eru beðnir um að fara varlega á veginum og svæðinu öllu. Ljóst er að breytingar geta átt sér stað enda skjálftavirknin áframhaldandi. Unnið er að frekari úrlausn.“

Myndirnar voru teknar áður en gripið var til ráðstafana. Ljósmynd/Vegagerðin

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt