Guðjón Brjánsson, oddviti Samfylkingarinnar í Norðvesturkjördæmi, mun ekki gefa kost á sér í flokksvali Samfylkingarinnar í kjördæminu sem fram fer síðar í mánuðinum.

Í yfirlýsingu frá Guðjóni segir að stjórnmál hafi átt hug hans seinustu ár eða frá því hann settist á þing fyrir flokkinn árið 2016. Hann hafi stefnt á að bjóða sig aftur fram en síðar fundið að hugur fylgdi ekki hjarta. „Mig langar að eyða meiri tíma með minni fjölskyldu og fylgjast með barnabörnunum dafna og þroskast sem ég hef ekki haft nægilegan tíma til að gera,“ segir Guðjón.

Á kjörtímabilinu hefur Guðjón verið fyrsti varaforseti Alþingis, en einnig setið í umhverfis- og samgöngunefnd og gegnt formennsku í Íslandsdeild Vestnorræna ráðsins.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt