Karlmaður á sjötugsaldri, sem ákærður er fyrir að hafa kveikt í húsi á Bræðraborgarstíg síðasta sumar með þeim afleiðingum að þrír létust, er metinn ósakhæfur í yfirmati þriggja geðlækna, sem staðfestu með því fyrra mat geðlækna. Ríkisútvarpið greinir frá þessu.

Fyrirtaka var í málinu í Héraðsdómi Reykjavíkur í dag en dómari hafnaði kröfu verjanda mannsins um að dómshald færi fram fyrir luktum dyrum.

Ákæruvaldið hyggst kalla 35 vitni fyrir dóminn, en verjandinn fór fram á að lagðar yrðu fram lögregluskýrslur tveggja einstaklinga sem handteknir voru á vettvangi fyrir að torvelda störf, að því er segir í frétt RÚV.

Aðalmeðferð í málinu hefst í Héraðsdómi Reykjavíkur 26. apríl og verður dómurinn fjölskipaður.

Tengdar fréttir

Eldsvoði við Bræðraborgarstíg

Stefna á að reisa 17 íbúðir við Bræðraborgarstíg

• Fjórir alvarlegir brunar á árinu
• Slökkviliðsstjóri fái sérstaka eftirlitsheimild
• Staðfesta öryggisvistun í Bræðraborgarstígsmáli
• Krefjast 324 milljóna vegna brunans

» Fleiri tengdar fréttir

• Blogga um frétt