Vegagerðarmenn hafa þrengt að umferð á Suðurstrandarvegi nálægt Festarfjalli, lækkað hámarkshraða og sett þungatakmarkanir á vegna skemmda sem komu í ljós í fyrradag og í gærmorgun. Skemmdirnar eru afleiðingar jarðskjálfta sem þar hafa orðið.

Sprungur hafa myndast við axlir og í fyllingu og fylling einnig sigið töluvert þannig að vegrið hefur ekki fullan stuðning á nokkrum köflum, samkvæmt upplýsingum frá Vegagerðinni. Vegurinn hefur einnig sprungið þvert á nokkrum stöðum. Ekki er að sjá að vegurinn sjálfur hafi sigið.

Þrengt er að umferð þar sem mestu skemmdirnar eru. Stórir flutningabílar geta ekki notað veginn á meðan sjö tonna þungatakmarkanir eru í gildi.

Eftir er að skoða skemmdirnar betur og meta burð í vegbrúninni, að því er G. Pétur Matthíasson upplýsingafulltrúi segir í Morgunblaðinu í dag.

Tengdar fréttir

Eldvirkni á Reykjanesskaga

Drógu lærdóm af síðasta gosi

• „Bíðum eftir næsta atburði“
• Engar vísbendingar um að kvika sé á leiðinni upp
• Áfram landris og vöktun aukin síðar í janúar
• Telur að eldgosahrinan sé að fjara út

» Fleiri tengdar fréttir