Viðbúið er að um 100 manns verði sendir í sóttkví vegna kórónuveirusmits sem kom upp utan sóttkvíar í gær. Rakning gengur vel en enn er hvorki ljóst hvernig sá smitaði smitaðist, né heldur hvort um breska afbrigðið sé að ræða. 

Þetta segir Hjördís Guðmundsdóttir, upplýsingafulltrúi almannavarna, í samtali við mbl.is. Hún segir að rakningarteymið hafi staðið sig virkilega vel í þessari smitrakningu eins og í annarri rakningu. Engin lokatala hefur verið gefin upp um fjölda þeirra sem senda þarf í sóttkví en búist er við að þeir verði um 100 talsins.

Frétt af mbl.is

Hafa ekki náð að rekja uppruna smitsins

Vísir greindi frá því í dag að smitið hafi komið upp hjá starfsmanni hótels ION á Nesjavöllum. Samkvæmt fréttinni veit starfsmaðurinn ekki hvernig hann smitaðist. Hann hefur ekki verið í vinnu síðan í byrjun mars en mætti á starfsmannagleði síðastliðinn sunnudag. mbl.is hefur ekki náð í eiganda ION hótela vegna þessa. 

Hjördís gat ekki staðfest að um starfsmann hótelsins væri að ræða, enda gefa almannavarnir ekki upp persónugreinanlegar upplýsingar um smitaða einstaklinga.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt