Lögreglan á höfuðborgarsvæðinu lokaði bæði Reykjanesbraut við Straumsvík og Krýsuvíkurvegi eftir að fréttist að eldgos væri hafið í Fagradalsfjalli. Skúli Jónsson, aðstoðaryfirlögregluþjónn og stöðvarstjóri í Hafnarfirði, segir í samtali við mbl.is að stríður straumur hafi verið úr höfuðborginni og hafi stefnt í öngþveiti.

„Umferðalokanir voru fyrsta viðbragð,“ segir hann og bætir við að þessum leiðum hafi verið lokað meðan náð sé utan um málið og til hvaða viðbragða þurfi að grípa.

Spurður út í frekari verkefni lögreglunnar á höfuðborgarsvæðinu segir Skúli: „Við erum einnig stuðningur við Suðurnes. Þetta er í næsta umdæmi.“

Aðgerðastjórn á höfuðborgarsvæðinu fundar þessa stundina.

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• Blogga um frétt