Áfram er lítil skjálftavirkni við kvikuganginn og gosstöðvarnar sem myndast hafa í Geldingadal í Fagradalsfjalli. Skjálftarnir eru á litlu dýpi eins og þeir sem orðið hafa undanfarið.

Starfsfólk frá Veðurstofunni fór að hrauninu til að mæla magn og styrk þess gass sem frá því stafar. Ekki hafa fengist niðurstöður úr þeim mælingum, segir Bjarki Kaldalóns Fri­is, jarðfræðingur á Veðurstofunni, í samtali við mbl.is

Mun snúa í sunnanátt

Reiknað er með áframhaldandi vestanátt næstu klukkutímana sem þýðir að íbúar Þorlákshafnar og nágrennis gætu fundið fyrir gasmengun.

Frétt af mbl.is

Íbúar Þorlákshafnar hvattir til að loka gluggum

Búist er við að svo muni snúast í sunnanátt. Þá gæti gas lagt yfir höfuðborgarsvæðið en Bjarki segir að rigning ætti að hjálpa til við að stemma við því stigu.

Enn mælist engin aska í nágrenni gosstöðvanna á til þess gerðum mælitækjum Veðurstofunnar.

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• Blogga um frétt