Fyrstu drónamyndirnar af eldgosinu í Fagradalsfjalli eru byrjaðar að berast og mbl.is sýnir hér myndir sem Sigurður Þór Helgason tók við krefjandi aðstæður yfir gosinu í nótt og þær eru í einu orði sagt stórbrotnar.

Sigurður, sem er eigandi DJI Reykjavík-verslunarinnar, segir að mjög hvasst hafi verið á svæðinu en sjálfur var hann staddur í 5-6 kílómetra fjarlægð frá gosinu sjálfu þegar hann tók þær. Dróninn var í 500-800 metra fjarlægð frá kraumandi eldhafinu. Sigurður Þór var í slagtogi við vísindamenn Háskóla Íslands sem voru að safna upplýsingum og gosið sem hófst í Geldingadal í gær.

Um tíma óttaðist hann um tækið, DJI Matrice 300 RTK, sem kostar fleiri milljónir þegar hann missti samband við drónann sem þurfti að nauðlenda. En best er að láta myndirnar í myndskeiðinu tala sínu máli.

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt