Eitthvað hefur verið um að fólk sem fór að líta eldstöðina í Geldingadal augum í dag hafi komið hálförmagna til baka. Í einhver skipti hafa björgunarsveitir þurft að aðstoða fólk síðasta spölinn til baka og í eitt skipti var ferðalangur á leið til baka fluttur með sjúkrabifreið. Þetta segir Steinar Þór Kristinsson í svæðisstjórn björgunarsveita á Suðurnesjum.

3-4 hópar að athuga gönguleiðir

Björgunarsveitir voru kallaðar út fyrr í kvöld til að athuga með fólk á þekktum gönguleiðum að gosstöðinni. Steinar segir að 3-4 hópar séu núna úti. Þá verði björgunarsveitafólk einnig við gosstöðina í nótt, en hann á von á einhverjum fjölda gesta þar bæði í nótt og á morgun.

Langur dagur er að baki hjá björgunarsveitum á svæðinu, en Steinar segir að vaktaskipti séu nú í gangi og ferskur hópur að taka við. Veðurspáin fyrir nóttina er ekkert mjög spennandi og þá er virkur dagur á morgun. Steinar segir að þrátt fyrir það megi búast við einhverjum fjölda inn að gosstöðinni þar sem fjölmargir hafi verið í vaktavinnu um helgina og horfi núna til þess að sjá gosið.

Miðað við þann fjölda fólks sem hefur gengið inn að gosstöðinni segir Steinar að dagurinn hafi í heild gengið vel og að lítið hafi verið um meiðsli eða að fólk örmagnist. Þá segir hann að í langflestum tilfellum komist fólk sjálft til baka.

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• 1 blogg um fréttina

Bloggað um fréttina

• Sigurður Antonsson: Leiðbeiningar og stýring eða óttablandin forsjáhyggja.