Fjórir af fimm bekkjum í einum árgangi Laugarnesskóla auk nokkurra starfsmanna eru komnir í sóttkví í dag vegna smits hjá kennara við skólann.

Björn Gunnlaugsson, aðstoðarskólastjóri Laugarnesskóla, segir að kennarinn hafi greinst í gær með Covid-19 en hann hafi ekki verið við störf í skólanum síðan á þriðjudag, það er fimm dögum áður en hann greinist með smit.

Björn veit ekki hvort kennarinn var í sóttkví þegar hann greindist en talið var öruggast að þeir nemendur sem kennarinn kenndi á þriðjudag færu í sóttkví í dag. Þeir fara síðan væntanlega í skimun í dag og á morgun. Alls er um að ræða í kringum 80 nemendur og fjóra starfsmenn. Smitrakningarteymið taldi ekki nauðsyn á að aðrir starfsmenn eða nemendur færu í sóttkví og skimun þar sem þeir höfðu ekki verið í samskiptum við viðkomandi kennara í langan tíma.  

Vísir greindi fyrstur frá smitinu í Laugarnesskóla í morgun.

Samkvæmt heimildum mbl.is tengist smitið í Laugarnesskóla smitinu í fótboltanum. 

Frétt af mbl.is

Tvö fótboltalið á leið í sóttkví vegna smits

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt