Eitt þeirra 26 kórónuveirusmita sem greinst hafa undanfarna þrjá daga, innanlands og við landamærin, greindist hjá starfsmanni Landspítala. 

Greint er frá smitinu á vef RÚV en starfsmaðurinn vinnur á rannsóknarsviði spítalans. Innan við tugur starfsmanna var sendur í sóttkví vegna þess og enginn sjúklingur.

Þar er haft eftir Má Kristjánssyni, yfirlækni smitsjúkdómadeildar spítalans, að á farsóttarnefndarfundi í hádeginu hafi verið rætt að færa starfsemi spítalans á hættustig vegna smita síðustu daga.

Það hafi ekki verið gert að sinni en þrír eru inniliggjandi á spítalanum með Covid-19.

Alls hafa 26 greinst með Covid-19 undanfarna þrjá daga. Sjö greindust innanlands og nítján á landamærunum. Af nítján eru tíu skipverjar flutningaskips á Reyðarfirði. Tveir voru með mótefni við landamærin og beðið er mótefnamælingar frá tveimur.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Óbólusett spítalastarfsfólk - vita að erfitt er að gera bóluefni …