Ný smærri sprunga hef­ur opn­ast bet­ur í hlið aðal­g­ígs­ins í eld­gos­inu í Geld­inga­dal í Fagra­dals­fjalli. Síðustu daga hef­ur mest­öll virkn­in verið í aðal­g­ígn­um en nú er hún mjög sjá­an­leg á þess­um tveim­ur stöðum.

Þessi breyt­ing átti sér stað í sein­asta lagi í morg­un, því að á vef­mynda­vél­um má sjá að gosið hef­ur verið á þess­um tveim­ur stöðum í all­an dag. Ljós­mynd­ari mbl.is festi nýja gíg­inn skil­merki­lega á filmu á ferð sinni um svæðið í dag.

Ein­ar Hjör­leifs­son, nátt­úru­vár­sér­fræðing­ur á Veður­stof­unni, staðfest­ir að aust­an meg­in við aðal­g­íg­inn hafi virkn­in auk­ist og komi þar upp í minna gosopi.

„Þetta þýðir bara að jarðeld­arn­ir standa enn þá yfir og á meðan við sjá­um eng­ar breyt­ing­ar á mæli­tækj­um okk­ar hér er mjög erfitt að meta hvenær gosið gæti endað,“ seg­ir Ein­ar í sam­tali við mbl.is.

Aðal­g­íg­ur­inn er orðinn tölu­vert stór hóll í lands­lag­inu og áfram vell­ur upp úr hon­um hraunið, með sama takti og hingað til. Eng­in merki eru um að dregið hafi úr virkn­inni.

Tengd­ar frétt­ir

Eld­virkni á Reykja­nesskaga

Um 600 skjálft­ar hafa mælst

• „Eft­ir því sem lengra líður eru meiri lík­ur á stóru gosi“
• Jarðskjálfta­hrin­an held­ur áfram
• Skjálft­ar yfir þrír að stærð á Reykja­nestá
• „Veld­ur spennu­breyt­ing­um í skorp­unni“

» Fleiri tengd­ar frétt­ir

• Blogga um frétt