Bólusetningar hefjist aftur „mjög bráðlega“
Setja bókamerki
Heilbrigðisráðherra telur að Ísland geti byrjað að bólusetja á ný með bóluefni AstraZeneca mjög bráðlega. Líklega kemur það betur í ljós síðar í þessari viku til hvaða aðgerða verður gripið.
„Sóttvarnalæknir hefur viljað fara betur í saumana á málinu og verða samferða Norðurlöndunum í því. En við erum að fá góðar fréttir af bæði virkni og öryggi AstraZeneca úr nýrri rannsókn í gær núna síðast,“ sagði Svandís Svavarsdóttir heilbrigðisráðherra fyrir utan ráðherrabústaðinn fyrr í dag.
„Ég geri ráð fyrir að við getum haldið áfram notkun á því mjög bráðlega og mögulega með einhverjum tilteknum skilmerkjum en það kemur þá bara í ljós.“
Spurð út í stöðuna á Landspítalanum þar sem aðeins um helmingur starfsmanna hefur verið bólusettur sagði hún það setja strik í reikninginn þegar eitt bólefni dytti út og átti þar við AstraZeneca. Það breyti áætlununum stjórnvalda. „En það er sóttvarnalæknir sem sér um að byggja upp þessar áætlanir og koma þeim til framkvæmda í gegnum þau sem bera ábyrgð á því,“ sagði Svandís.
Í biðstöðu
Þórólfur Guðnason sóttvarnalæknir sagði eftir fund sinn með ríkisstjórninni í ráðherrabústaðnum að AstraZeneca-málið væri í biðstöðu og það væri alls ekkert búið að slá það út af borðinu, enda mjög virkt og gott bóluefni.
„Við erum að safna upplýsingum frá okkar kollegum annars staðar á Norðurlöndunum hvort við getum til dæmis tilgreint aldurshóp þar sem er óhætt að gefa bóluefnið og þar sem aukaverkanir sjást ekki. Þá gætum við farið af stað og notað bóluefnið í tilgreindum hópum,“ sagði Þórólfur.
Trump nálgast 270 kjörmenn
/frimg/1/21/24/1212405.jpg)
Segir Pútín ekki ætla að óska Trump til hamingju
Stefnir í milljarðshalla Gæslunnar
Óábyrgt að segja allt í blóma
Sjá mikinn viðsnúning og ætla ekki að skerða þjónustu
Segja Trump nýjan forseta Bandaríkjanna
„Sigurinn aðeins meira afgerandi en ég bjóst við“
Gera ráð fyrir 1,7 milljarða króna rekstrarafgangi