Leitað af lögreglu

Lögreglan á höfuðborgarsvæðinu leitar nú karlmanns á þrítugsaldri sem í gær var úrskurðaður í gæsluvarðhald til 15. apríl. Margeir Sveinsson, yfirlögregluþjónn hjá miðlægri deild lögreglunnar, segir að maðurinn hafi ekki fundist þegar færa átti hann í gæsluvarðhald í gær og er hans nú leitað.

Maður­inn er grunaður um frels­is­svipt­ingu, ít­rekuð brot gegn nálg­un­ar­banni, hót­an­ir og eigna­spjöll. Lögreglustjórinn á höfuðborgarsvæðinu fór fram á að maðurinn yrði úrskurðaður í gæsluvarðhald í síðustu viku en dómurinn hafnaði beiðni lögreglu og því þurfti að láta hann lausan. Lögregla hefur aðeins heimild til að halda fólki í varðhaldi í sólarhring.

Margeir segir að þetta sé ekkert einsdæmi, að þegar færa á fólk í gæsluvarðhald finnist það ekki strax.

Frétt af mbl.is

Gæsluvarðhaldskröfu hafnað

Stutt er síðan sambærilegt mál kom upp, það er að héraðsdómur hafnar gæsluvarðhaldsbeiðni lögreglu en Landsréttur snýr ákvörðuninni við. Síðast gerðist það í svonefndu Rauðagerðismáli.

Maðurinn sem lögregla leitar nú er grunaður um afbrot fram­in á rúm­lega þriggja og hálfs mánaðar tíma­bili, eða frá því í lok nóv­em­ber á síðasta ári og fram í miðjan mars á þessu ári. Þá hef­ur viðkom­andi stöðu sak­born­ings í sex öðrum mál­um, sem eru til meðferðar hjá lög­reglu.

Frétt af mbl.is

Grunaður um frelsissviptingu og ítrekuð brot

Svala Lind Ægisdóttir tjáði sig nýlega um málið í færslu á Facebook, en brot mannsins hafa beinst gegn henni og fjölskyldu hennar.

• Blogga um frétt