Gengur í berhögg við EES-samninginn
Setja bókamerki
Boðaðar útflutningshömlur á vörum frá Evrópusambandinu til EFTA-ríkjanna ganga í berhögg við EES-samninginn. Þetta kemur fram í tilkynningu frá forsætis- og utanríkisráðuneytinu.
Þar segir enn fremur að ekki sé ástæða til að ætla að nýrri reglugerð ESB verði beitt gegn Íslandi né að hún hafi einhver áhrif á afhendingar bóluefna til Íslands, en forsætisráðuneytið segir að Katrín Jakobsdóttir hafi í dag fengið skýr skilaboð frá Ursulu von der Leyen, forseta framkvæmdastjórnar ESB, þess efnis.
Fyrr í kvöld sendi stjórnarráðið út tilkynningu þar sem fram kom að hömlurnar myndu ekki raska afhendingu bóluefna.
Sendiherra kallaður í ráðuneytið
Vegna málsins hefur Guðlaugur Þór Þórðarson utanríkis- og þróunarsamvinnuráðherra hefur rætt við utanríkisráðherra Noregs til að stilla saman strengi og eins ræddi hann við utanríkisviðskiptaráðherra Svíþjóðar, sem er í ESB, og kom sjónarmiðum Íslands skýrt til skila.
Hann mun einnig eiga fleiri fundi með evrópskum ráðamönnum á morgun.
Jafnframt var sendiherra ESB á Íslandi kallaður til fundar í utanríkisráðuneytinu í dag og reglugerðinni mótmælt harðlega, enda gengi hún þvert gegn EES-samningnum. Þá var mótmælum ennfremur komið á framfæri við framkvæmdastjórn ESB af sendiherra Íslands í Brussel.
Reglugerðinni verði breytt
Í tilkynningunni segir einnig að íslensk stjórnvöld hafi komið þessum skilaboðum skýrt á framfæri við framkvæmdastjórn ESB í dag og lagt áherslu á að reglugerðinni verði breytt og Ísland verði formlega undanþegið útflutningshömlum í samræmi við EES-samninginn.
Ekkert ferðaveður á Vestfjörðum og á Norðurlandi
Selenskí: N-Kórea heyir stríð í Evrópu
Bindur vonir við að koma fjárlögunum í gegn
„Áhugavert að sjá skjálfta þarna“
Óformlegt eftirlit vegna hryðjuverka
Kjör kennara hafi vaxið langt umfram almennan markað
Kílómetragjald: „Mikilvægt að málið verði klárað fyrir þinglok“