Hermenn úr norska hernum, sem staddir eru á landinu við loftrýmisgæslu á Keflavíkurflugvelli, lögðu margir leið sína að eldgosinu í Geldingadölum í gær.

Einar Skúlason leiðsögumaður greinir frá því að herliðið hafi, eins og aðrir, lent í umferðaröngþveiti sem myndaðist á Suðurstrandarvegi.

Þeir hafi gripið til sinna ráða og hreinlega lyft bílum og fært þá úr vegi.

Mikil umferð hefur verið á Suðurstrandavegi og fólk leggur meðfram öllum veginum þar sem gönguleið byrjar. mbl.is/Kristinn Magnússon

Lausnamiðaðir Norðmenn

„Allt var fast í hnút um kvöldmatarleytið og enginn komst áfram. Norskir hermenn úr loftrýmisgæslunni á Keflavíkurflugvelli höfðu verið að skoða gosstöðvarnar og lentu auðvitað í sama hnútnum og aðrir þegar rútur þeirra voru að reyna að komast áfram.

Þeir voru hins vegar lausnamiðaðir og gengu á undan rútunum og einfaldlega færðu þá bíla sem þurfi að færa og þannig leystist umferðarhnúturinn,“ segir Einar í færslu um málið.

Frétt af mbl.is

Glænýjar orrustuþotur í Keflavík

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• Blogga um frétt