Ísland er áfram grænt á nýju korti Sóttvarnastofnunar Evrópu með skráð 15,10 smit á hverja 100 þúsund íbúa á tveggja vikna tímabili. Ísland er eina landið í Evrópu með undir 100 smit á hverja 100 þúsund íbúa. Hafa verður í huga að tölurnar eru fyrir viku 10 og 11, það er 8. til 21. mars.

Samkvæmt vefnum covid.is var nýgengi smita 9,3 innanlands í gær og 13,9 á landamærunum þannig að ljóst er að tölurnar verða hærri fyrir Ísland að viku liðinni.

Í Svíþjóð er staðan verst af Norðurlöndunum en þar eru smitin 597,10 talsins á hverja 100 þúsund íbúa. Í Noregi eru þau 223,55, 189,14 í Danmörku og 172,86 í Finnlandi.

Sóttvarnastofnun Evrópu heldur utan um fjölda smita í ríkjum Evrópusambandsins og Evrópska efnahagssvæðisins og Bretland því ekki lengur talið með.

Flest eru smitin í Eistlandi eða 1.520,79, í Tékklandi eru þau 1.328,25 og 1.145,70 í Ungverjalandi.

Staðan í nokkrum ríkjum Evrópu:

• Frakkland 562,05
• Ítalía 517,91
• Spánn 143,31
• Þýskaland 194,83
• Pólland 716,70
• Holland 481,38
• Belgía 439,75
• Búlgaría 620,23

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Ísland og Þrændalög eru afar sambærileg svæði.