Lögreglan á Suðurnesjum býst fastlega við því að Suðurstrandarvegur verði opnaður fljótlega og gönguleiðin að gossvæðinu sömuleiðis.

Tekin verður ákvörðun um það á fundi almannavarna sem hófst klukkan 9, en Vegagerðin skóf veginn í morgun.

Að sögn Gunnars Schram yfirlögregluþjóns hefur veður gengið hratt niður og virðist veðurspáin vera góð. Lítill vindur verður en hugsanlega einhver él fram á hádegi.

Björgunarsveitarmenn á ferðinni í Geldingadölum.

Vísað burtu í nótt

Einn eða tveir voru á gossvæðinu í nótt og þurfti lögreglan að vísa þeim í burtu, enda svæðið lokað vegna veðurs.

Áfram verður fylgst með erlendum ferðamönnum, bæði við landamærin og þar sem lokunin hefur verið, til að passa upp á þeir brjóti ekki sóttkví með því að fara að sjá eldgosið.

Um 20 bílar biðu eftir því að komast eftir Suðurstrandarvegi þegar mbl.is ræddi við Gunnar og var lögreglan að ræða fólkið í bílunum vegna eftirlitsins.

Tengdar fréttir

Eldvirkni á Reykjanesskaga

Vinna hefst í dag við að reisa undirstöður

• Auka aðgengi að Grindavík
• Ekki hægt að slá gosið út af borðinu strax
• Unnið að hraunkælingu allan sólarhringinn
• Hraunrennslið haldi áfram undir yfirborðinu

» Fleiri tengdar fréttir

• Blogga um frétt