Lóan er komin

Lóan er komin til landsins. Þetta staðfestir fuglaáhugamaðurinn Alex Máni Guðríðar­son við mbl.is, en hann sá til hennar í fjörunni við Stokkseyri rétt fyrir hádegi í dag.

Heiðlóan hefur lengi verið tal­in einn helsti vor­boði hér á landi, og eru það því ætíð gleðifréttir þegar hún skýtur upp kollinum.

Alex Máni, sem er 24 ára, hefur haft áhuga á og ljósmyndað hina ýmsu fugla síðan hann var 6 eða 7 ára gamall að eigin sögn. Árlegt markmið hans er að mynda eins marga fugla og hægt er, en mest hefur hann myndað 160 fugla á einu ári.

Frétt af mbl.is

„Eins og hann ríkti yfir öllu svæðinu“

• Blogga um frétt