Stjórn RÚV fundaði í dag meðal annars um þá kröfu Samherja að Helga Seljan verði meinað að fjalla um mál sem tengjast fyrirtækin 

Sam­herji gerði miklar athugasemdir í til­efni af úr­sk­urði siðanefnd­ar RÚV um um­mæli Helga Selj­an um fé­lagið og mál­efni þess á samfé­lags­miðlum. Þar sagði að úr­sk­urður­inn hefði eng­in áhrif á störf Helga, enda hefði þar ekki komið fram að hann hefði gerst brot­leg­ur í starfi í skiln­ingi laga. Sam­herji tel­ur það ekki stand­ast hjá stjórnend­un­um og krefst þess að Helgi komi ekki að frek­ari um­fjöll­un um mál­efni fé­lags­ins.

Frétt af mbl.is

Helgi Seljan fjalli ekki meira um Samherja

Þetta kem­ur fram í bréfi, sem lögmaður Sam­herja sendi stjórn RÚV í gær. Þar er bent á að sam­kvæmt úr­sk­urðinum hafi Helgi gerst hlut­dræg­ur og „gengið lengra en sem nam því svig­rúmi sem hann hafði til að deila frétt­um og fylgja þeim eft­ir með gagn­rýn­um spurn­ing­um eða um­mæl­um, sam­bæri­leg­um þeim sem hann myndi viðhafa sem fréttamaður, jafn­vel þó slíkt væri gert í eig­in nafni“. Brot­in væru al­var­leg og ít­rekuð.

Fram kemur á Kjarnanum að til umræðu á stjórnarfundi í dag hafi verið nið­ur­staða siða­nefnd­ar­inn­ar, end­ur­skoðun siða­reglna og bréf Sam­herja. 

Jóhanna Hreiðarsdóttir, stjórnarformaður RÚV, segir við mbl.is að stjórnin muni formlega svara erindi lögmanns Samherja á morgun, miðvikudag. 

Tengdar fréttir

Samherji

Ekki sérstakt markmið að vera efst

• „Ég er á margan hátt nokkuð bjartsýnn“
• Skipin í höfn og komin í sparifötin
• Hæstiréttur hafnar kröfu Þorsteins Más
• Samherji hafði betur gegn Odee

» Fleiri tengdar fréttir

• Blogga um frétt