Mikill fjöldi fólks hefur lagt leið sína að gosstöðvunum á Reykjanesskaga síðan eldgos hófst í Geldingadölum föstudagskvöldið 19. mars. Langflestir virðast vel búnir undir langa göngu og mikla útiveru, að minnsta kosti ef marka má álagið sem myndast hefur í útivöruverslununum Fjallakofanum og GG sport.

„Það er allt að springa hérna í búðinni hjá okkur,“ sagði afgreiðslumaður í Fjallakofanum sem ræddi símleiðis við blaðamann í morgun.

Þar hefur verið „alveg brjálað að gera“ síðan gosið hófst.

Fólk þarf að vera vel búið áður en það leggur af stað í gönguna á gossvæðinu. mbl.is/Kristinn Magnússon

Grunnútbúnaður; gönguskór, stafir, höfuðljós, bakpokar og broddar, hefur rokið út eins og heitar lummur í báðum verslunum og starfsfólk búðanna segir ljóst að viðskiptavinir þeirra vilji ekki fara á flatbotna strigaskóm og gallabuxum á gossvæðið í Geldingadölum.

„Þetta er bara eins og jólin,“ segir afgreiðslumaður í GG sport áður en hann er rokinn til að afgreiða væntanlegan göngugarp í Geldingadölum.

Eldgosið þykir mikið sjónarspil. mbl.is/Kristinn Magnússon

Tengdar fréttir

Eldvirkni á Reykjanesskaga

Engir skjálftar yfir kvikuganginum

• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“

» Fleiri tengdar fréttir

• Blogga um frétt