Mygluvöxtur í sjö sýnum úr Korpuskóla
Setja bókamerki
Búið er að taka 18 sýni úr byggingarefnum á svæðum þar sem er óvissa ríkir um ástandið í Korpuskóla. Búið er að greina öll sýnin og reyndust sjö hafa verið með mygluvexti í byggingarefnum en 11 þeirra voru án myglu. Beðið er eftir niðurstöðum úr sex sýnum.
Unnið verður að viðgerðum á húsnæði Korpuskóla um páskana en skoðun á húsnæðinu leiddi í ljós ýmsar skemmdir sem nauðsynlegt er að bregðast við til að tryggja heilnæmi skólahúsnæðisins.
Samráð hefur verið haft við starfsfólk og foreldra nemenda í Fossvogsskóla vegna framkvæmdanna en nýverið var ákveðið að flytja starfsemi skólans tímabundið í húsnæði Korpuskóla sem hefur staðið ónotað að því er fram kemur í tilkynningu frá Reykjavíkurborg.
Ekki næst að ljúka öllum viðgerðum áður en skólastarf hefst á ný eftir páskafrí. Því verður lögð áhersla á að klára viðgerðir á íverurýmum nemenda og kennara.
Heilbrigðiseftirlitið tekur húsnæðið út
EFLA verkfræðistofa annast eftirlit með framkvæmdunum og hefur skilað til umhverfis- og skipulagssviðs Reykjavíkurborgar lista yfir staði í húsnæðinu sem leggja þarf sérstaka áherslu á í viðgerðunum.
Um að ræða skemmdir á gólfdúk og í veggjum; bæði múr- og gifsveggjum, og rakaskemmda vaskaskápa. Ummerki um raka fundust í loftum auk þess sem EFLA gerði athugasemdir við frágang á gluggum, hurðum og í kringum niðurföll.
Á þriðjudaginn kemur mun Heilbrigðiseftirlit Reykjavíkur taka út húsnæði Korpuskóla og munu fulltrúar EFLU jafnframt vera á staðnum. Sérstakir upplýsingafundir vegna framkvæmdanna í Korpuskóla verða haldnir á þriðjudag með þátttöku EFLU, annars vegar með starfsfólki Fossvogsskóla og hins vegar með foreldrum.
Þarf að koma til móts við ólíkar þarfir lækna
Sjötti ferðamaðurinn er látinn
Rússar sagðir útvega N-Kóreu milljón olíutunnur
/frimg/1/53/8/1530844.jpg)
Myndir: Náttúrulegur þröskuldur að taka við
Reiðubúin að aflýsa verkföllum í fjórum leikskólum
Dómur þyngdur um þrjú ár
Yfir 300 stæði fóru undir hraun
Viðræður ekkert þokast frá því á þriðjudag