Lokað var fyrir bílaumferð inn að gossvæðinu í Geldingadölum austur í Fagradalsfjalli klukkan 18. Talsverður fjöldi hefur lagt leið sína suður með sjó í dag og hefur allt gengið að óskum að sögn Bjarneyjar Annelsdóttur yfirlögregluþjóns. 

Fólk var farið að streyma að gosstöðvunum fyrir klukkan sex í morgun þegar svæðið var opnað og nýttu margir sér rútuferðir frá Grindavík að gönguleiðinni. 

Frétt af mbl.is

Fólk mætt fyrir klukkan sex í morgun

Bjarney segir að lokunin hafi gengið vel. 

„Það streymdi hratt að milli fimm og sex svo það er töluverður fjöldi á svæðinu núna. Ég held að þetta sé svipað og hefur verið, kannski eitthvað aðeins minna,“ segir Bjarney. 

Aðstæður á svæðinu hafa verið með fínasta móti í dag og enn engin óhöpp orðið. Þá hefur gengið vel að dreifa umferð fólks og ökutækja á svæðið yfir daginn. 

„Við lærum af reynslunni. Þetta er svipaður bílafjöldi og í gær og fyrradag en það náðist betri dreifing, umferðin er jafnari yfir  daginn. Það hafa allir verið til fyrirmyndar,“ segir Bjarney.

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt