122 frá hááhættusvæðum á sóttkvíarhóteli
Setja bókamerki
Alls gistu 126 manns á sóttkvíarhótelinu í Reykjavík við Þórunnartún í nótt, sem komu með fimm flugvélum í gær. Þar af komu 122 frá dökkrauðum hááhættusvæðum, eða Hollandi, Svíþjóð og Póllandi.
„Við bjuggumst við miklu fleirum. Miðað við þær frumtölur sem við höfðum fengið hefðu átt að vera hér í kringum 600 manns,“ segir Gylfi Þór Þorsteinsson, forstöðumaður sóttvarnahúsa, í samtali við mbl.is. Hann telur að margir hafi hætt við komu hingað til lands út af nýju reglunum varðandi komufarþega og sóttkvíarhótel. „Allt hefur gengið ljómandi vel hingað til,“ tekur hann fram.
31 sýktur við Rauðarárstíg
Gylfi Þór bætir við að í farsóttarhúsinu við Rauðarárstíg séu 45 manns. Þar af er 31 sýktur af kórónuveirunni. „Það er í hærri kantinum miðað við undanfarnar vikur,“ segir hann.
Þrjár flugvélar eru væntanlegar til landsins í dag en aðeins ein kemur frá dökkrauðu svæði, eða Póllandi. Sú vél, frá Wizz Air, lendir klukkan 19.20 og líklegt er að megnið af þeim farþegum gisti á sóttkvíarhótelinu í nótt, að sögn Gylfa. Hinar flugvélarnar koma frá Kaupmannahöfn og Frankfurt um hálffjögurleytið í dag.
Hann nefnir jafnframt að enginn hafi komið á hótelið úr Ameríkufluginu í morgun en það svæði er ekki dökkrautt.
Falskur fyrirvari á auglýsingum Höllu
Formaðurinn útilokar ekki undirritun í kvöld
Unnið að hraunkælingu allan sólarhringinn
Ekki hægt að slá gosið út af borðinu strax
Sendi nektarmyndir af dreng sem hann passaði
Fundur hafinn hjá kennurum, ríki og sveitarfélögum
Íslensk kona handtekin á Tenerife eftir líkamsárás
Heimildarmenn tala um hápólitískt drama