Kolbrún Halldórsdóttir vill aftur á þing
Setja bókamerki
Kolbrún Halldórsdóttir, fyrrverandi þingmaður og umhverfisráðherra, gefur kost á sér í annað sæti á lista Vinstri-grænna í Suðvesturkjördæmi. Hún greinir frá þessu í færslu á Facebook.
Kolbrún sat á þingi fyrir flokkinn árin 1999-2009 og gegndi embætti umhverfisráðherra til skamms tíma árið 2009 í ríkisstjórnartíð Samfylkingar og Vinstri-grænna.
Þrjú sækjast eftir oddvitasæti flokksins í kjördæminu, þau Ólafur Þór Gunnarsson, þingmaður sem skipaði annað sætið á listanum síðast, Guðmundur Ingi Guðbrandsson umhverfisráðherra og Una Hildardóttir upplýsingafulltrúi flokksins.
Alls gefa níu manns kost á sér í fimm efstu sæti í rafrænu forvali. Það fer fram dagana 15. til 17. aprílkomandi. Rósa Björk Brynjólfsdóttir, sem skipaði efsta sætið á listanum, sagði sig úr flokknum á síðasta ári og gekk til liðs við Samfylkinguna.
Vilja bora við Bolaöldu
Hjúkrunarfræðingar skrifa undir kjarasamning
Fjögur ungbörn á spítala með RS-veirusýkingu
Minni tafir en í sambærilegum borgum
Áfram eftirlit á Lundi og rætt við starfsfólk
Eldur kom upp í Sorpu
Nota ekki jólaljós til að níðast á fólki
Spá illviðri víða um land á morgun