Að loknum fyrsta ársfjórðungi 2021 hafa þegar 49.300 einstaklingar verið bólusettir. Nú hafa rúmlega 12% þeirra sem áætlað er að bólusetja fengið bólusetningu eða myndað mótefni gegn veirunni. Þetta kemur fram á vef heilbrigðisráðuneytisins.

Bólusetning landsmanna tekur mið af þeim tíu forgangshópum sem skilgreindir eru í reglugerð nr. 1198/2020. Búið er að bólusetja að fullu nær alla landsmenn 80 ára og eldri.

Í aldurshópnum 70 – 79 ára hafa 68% hópsins fengið að minnsta kosti einn skammt af bóluefni og um 16% þeirra eru fullbólusettir. Í vikunni hefst bólusetning árganga þeirra sem fæddir eru árin 1949, 1950 og 1951. 

Frétt af mbl.is

Byrjað að bólusetja fædda 1951 í vikunni

Á Landspítala hafa 90% starfsmanna fengið bóluefni

Á Landspítala gengur bólusetning starfsmanna vel segir enn fremur í tilkynningu ráðuneytisins.

Starfsmenn spítalans eru um 6.200 og hafa tæplega 90% þeirra þegar fengið bóluefni. Um 2.900 þeirra eru bólusettir að fullu en 2.500 hafa fengið einn bóluefnaskammt.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt